Local newsNews
Inwoner lê wintersfoto’s by Panbult op kamera vas
Dit was nie lank voordat sy inskrywing op Storm Report SA se Facebookblad, oor die 3 000 duimpies ontvang het en byna 4 000 keer gedeel is nie.
‘n Inwoner op Panbult, mnr. Willem De Waal, het vroegoggend op 13 Junie, prag wintersfoto’s vasgelê.
Dit was nypend koud die afgelope paar dae, met inwoners wat ongemaklike temperature, soms so laag as -6°C, moes trotseer het.
Wat eens kakiebos was, het soos katoen vertoon namate die ys wat rondom dit gevorm het.
Mnr. De Waal het aan die Hoëvelder genoem dat hy hierdie winterskappe sommer met sy foon afgeneem het.
SIEN OOK: GALERY – Inwoner op Panbult neem prag wintersfoto’s
“Ek boer, my vrou is eintlik ’n fotograaf, sy kan ’n windpomp op 130km/h afneem,” het hy skertsend vertel.
Dit was nie lank voordat sy inskrywing op Storm Report SA se Facebookblad, oor die 3 000 duimpies ontvang het en byna 4 000 keer gedeel is nie.
