Ermelo Hoërskool se netbalspanne het op Donderdag 2 Mei teen Hoërskool Lydenburg in vriendskaplike wedstryde te staan gekom.
Die 0/14A-span het gelykop met 16 doele elk gespeel, terwyl die 0/15A-span met ‘n telling van 21-16 gewen het.
Die 0/16A-span het hulle teenstanders 13-5 geklop, terwyl die tweedespan met ses doele teenoor 29 verloor het.
Die Hoërskool Ermelo Calstar eerste netbalspan het na ’n tawwe stryd gelykop met 23 doele elk gespeel.
EHS se hokkie- en rugbyspanne het op Saterdag 4 Mei teen Hoërskool Lydenburg kragte gemeet.
Die 0/15A-span het met ’n skitterende telling 10-0 van die veld afgestap.
Danel Olivier, Kayla van der Meyden en Anzel Vosloo het elk drie doele aangeteken en Carla Ferreira het een doel geslaan.
Die 0/16A-span het hulle teenstanders 5-0 geklop.
Margha Greyling het twee doele aangeteken met Lana Herholdt, Anke Krüger en Chané Bester wat elkeen een doel geslaan het.
Die tweedespan het aanskoulike hokkie gespeel en met ’n wentelling van 9-0 van die veld afgestap.
Jani Hattingh het drie doele aangeteken met Elizia van Heerden, Zeldine Pienaar, Gerzanda Fourie, Sunelle de Bruyn, Yané Broekman en Theané Arnoldi wat elk een doel geslaan het.
Die Hoërskool Ermelo Calstar eerstespan dogtershokkie het na ’n harde wedstryd met ’n wentelling van 2-0 die veld verlaat.
Kyla Grobler en Clariz Olivier was die puntemakers vir die span.
EHS se rugbyspanne het skitterende rugby gespeel en gemengde welslae behaal.
Die 0/14A-span het naelskraap met 12 punte teenoor 15 verloor.
Zian Kotze en Banele Thwala het elk een drie gedruk en Adriaan Davel verdoel een drie.
Die 0/15A-span het hulle wedstryd met ’n telling van 34-0 gewen.
Tiaan Grobler, Kian Erasmus, Marko Ferreira en Richardt Huber het elk een drie gedruk en CJ van Huyssteen het twee drieë aangetekn.
Wian Swart het twee van dié drieë. verdoel.
Die 0/16A-span het as oorwinnaars met 20 punte teenoor 16 van die veld afgestap.
Die puntemakers vir dié span was Wonderboy Mnisi en Corné Janse van Rensburg wat elkeen twee drieë gedruk het.
EHS se tweedespan het hulle teenstander met 37-14 geklop.
Pedri Lourens, Dian Ferreira, Chad Coetzee en Lungelani Nhlapo het elkeen een drie gedruk en Manasoe Sehaba het twee drieë aangeteken.
Zuzu Mabuza het twee drieë verdoel en een strafskop oorgeskop.
Die Hoërskool Ermelo Isuzu eerste rugbyspan het Lydenburg met ’n telling van 39-17 geklop.
Mthandeni Thomo, Christiaan van der Merwe en Chad Coetzee het elk een drie vir die span aangeteken en Luke Bulford het twee drieë gedruk.
Walter Visser het vier drieë verdoel en twee strafskoppe oorgeskop.
