Ermelo Hoërskool het vanjaar vir die eerste keer die Con Spirito-kultuurfees aangebied en die Erries het goed presteer.
Verskeie leerders het deurgedring na die volgende ronde en die leerders word genooi na ’n gala-aand en prysuitdeling.
Die leerders is Daniel van der Merwe met 98 persent vir klavier, Jake Hoffeldt met 95 persent vir kitaar, Anke Kruger met 95 persent vir gedig, Liezl Roos met 90 persent vir kuns, Lianie Jansen van Vuuren met 90 persent vir ballet, Zara Büchling en Dané Thirion het elk 94 persent vir drama ontvang en Vandré Swart ook met 94 persent vir drama.
Die spanredenaars wat uit Vandré Swart, Hanné Swart, Zara Büchling en Tjaart Eloff bestaan het, het ’n tweede plek behaal by die eindstryd met ’n persentasie van 93 persent.
Die Erries se koor is aangewys as die wenkoor van die hoërskole.
