Hoërskool Ermelo is gister by die Gert Sibande prysuitdeling na aanleiding van die 2016 matriekuitslae as die beste skool in Msukaligwa aangewys.
Die EHS het ook ’n prys ontvang vir die derde jaar bo 90% slaagsyfer en is ook vereer vir 2016 se 100% slaagsyfer.
Leerders wat pryse ontvang het is : TJ Hill – Algeheel die tweede beste leerder in distrik en beste leerder rekeningkunde.
Jonathan Fourie is aangewys as beste Landbouwetenskap leerder en Jana Grey beklee die vierde plek in die distrik top 10.
Mnr. Faans van der Merwe is ook tydens die geleentheid aangewys as die beste Landbouwetenskap onderwyser.
Baie geluk aan die Erries met hul uitsonderlike prestasies.
Lees volledige berig en uitslae in volgende week se uitgawe van die Hoëvelder.
Related Articles
