Bejaarde boer op plaas vermoor

Mnr. Bernie van Zyl, ‘n bejaarde boer van die plaas Geelhoutboom naby Panbult (Mpumalanga) is Saterdagmiddag om ongeveer 16:45 op sy plaas deur ‘n onbekende aantal aanvallers aangerand en vermoor.

‘n Vriendin, Charlotte, is met veelvuldige beserings in ‘n hospitaal op Ermelo opgeneem. Haar toestand is onbekend.

Die paartjie is erg aangerand tydens die voorval.

Lede van die omgewing se plaaswag en polisie is onmiddelik in die gebied ontplooi en teen laatmiddag is minstens een verdagte in hegtenis geneem.

Gesteelde goedere asook twee wapens is teruggevind.

Daar word gesoek na nog verdagtes.

Dit is die tweede keer dat die paartjie op die plaas aangeval is.

Verdere inligting volg.