Mini-krieket lewer groot talent

Laerskool JJ van der Merwe was verlede Saterdag weereens die gasheer vir die jaarlikse KFC mini-krieket byeenkoms.

Leerlinge van skole van regoor die provinsie het aan die ontwikkelings byeenkoms deelgeneem.

Nadat elke leerling met ‘n hemp en hoed uitgerus is, het die verskillende skole wedstryde teen mekaar gespeel.

Die Titans-speler Roland Richardson het ook ‘n draai gemaak om sy kennis te deel en die jong spelers het tougestaan vir ‘n handtekening en foto saam met die ster.

Na ‘n heerlike middagete wat deur die hoofborg KFC voorsien is is daar met die wedstryde voortgegaan.

Die dag was ‘n sukses en dit is duidelik dat daar baie talent onder die jong spelers skuil.