![](https://images.caxton.co.za/wp-content/uploads/sites/93/2018/11/Pedru-Lourens-en-Aalia-Deedat-van-Ermelo-Hoërskool-is-besig-met-die-dosering-van-skape-tydens-hulle-praktiese-evaluering.-Foto-verskaf.jpg)
Ermelo Hoërskool se graad 11-Landboubestuur leerders het Woensdag, 17 Oktober, hulle finale praktiese evaluering gehad by me. Denise Cook op die plaas genaamd Bloemfontein.
Die leerders is geëvalueer op sekere aspekte met betrekking tot die diere, onder andere hantering, klassifisering, dosering, inenting, kastrering en hoe om sterte af te sit.
Na hierdie praktiese geleentheid is die leerders na mnr. Morné en me. Michelle Engelbrecht. Hier is die leerders deur die konynboerdery geneem en al die aspekte van intensiewe konynboerdery verduidelik.
Laastens het die groep leerders ‘n staproete deur die klowe op die plaas geneem en ‘n natuurlike brug besoek.
Die leerders het die jaar afgesluit met ‘n gesellige braai en samesyn.
Die skool het mnr. Morné en me. Michelle Engelbrecht bedank vir die gasvryheid en deel van inligting aan die leerders.
![](https://highvelder.co.za/wp-content/uploads/sites/93/2018/11/Pedru-Lourens-en-Aalia-Deedat-van-Ermelo-Hoërskool-is-besig-met-die-dosering-van-skape-tydens-hulle-praktiese-evaluering.-Foto-verskaf.jpg)
![](https://highvelder.co.za/wp-content/uploads/sites/93/2018/11/WhatsApp-Image-2018-11-09-at-11.30.54-520x400.jpeg)
![](https://highvelder.co.za/wp-content/uploads/sites/93/2018/11/WhatsApp-Image-2018-11-09-at-11.30.49-520x400.jpeg)