Laerskool Breyten blink uit op sportveld

Laerskool Breyten het die afgelope naweek met welslae aan afsonderlike sportbyeenkomste en -aktiwiteite deelgeneem.

In die Gert Sibande-skaaktoernooi wat by Laerskool J.J. van der Merwe aangebied is, het twee leerders, Zethu Nkosi en Philasande Khubeka, deurgedring na die Mpumalanga-spele vir 0/13-seuns en -dogters wat op 10 Junie in Middelburg plaasvind.

Tydens die ASA Mpumalanga-landloopbyeenkoms wat op Piet Retief plaasgevind het, het Laerskool Breyten-atlete agt eerste plekke behaal asook, drie tweede plekke en twee derde plekke.

Die Gert Sibande-jukskeibyeenkoms is by die A.J.Swanepoel-stadion in Ermelo aangebied en twee Laerskool Breyten-spanne het deurgedring na die Mpumalanga-byeenkoms op 10 Junie. Die twee spanne was ook die Gert Sibande-wenners.

Op die rugbyveld het Philasande Ntshapela aan die Mpumalanga-proewe deelgeneem en is as linkervleuel in die Mpumalanga-span opgeneem.

Vir meer nuus besoek gerus ons ander webblaaie.

Ridge Times, Standerton Advertiser & Highvelder

”Like” ons op Facebook en volg ons op Twitter.