Maak my ‘n vrou soos my ma

Ermelo Tuinbouklub het verlede week by Makou bymekaar gekom vir hul maandvergadering.

Die vroue was deftig uitgevat, afgerond met spoggerige hoede en blomme, reg vir die Moedersdag-bederfoggend.

Dogters het die geleentheid gehad om hul moeders te bedank vir die rol in hul lewe en met tye het die trane vryelik gevloei.

Engela Greyling, Jessica Uys, Dolores Cronjé en Mimmie Swart het gehoor hoe hul dogters hul lewens en hul rolle as moeder met liefde en respek vereer.

Ná ‘n emosionele getuienis van Mimmie Swart oor haar genesing, het almal lekker saam gekuier en gesmul aan die heerlike kos wat voorgesit is.

Die tuinbouklub vergader weer op 20 September wanneer hulle hul lentetee aanbied.