Solidariteit Helpende Hand Nigel-tak het op 16 September kleuterskole en dagsorgsentrums in Nigel besoek, waartydens die belangrikheid van lees aan die kinders beklemtoon is.
Elke kind het ook drie boeke ontvang.
Daar is besoek gebring aan Het’s Dagsorg, Mari Liefieland Babaskool, Laerskool Tini Vorster en Laerskool Hannes Visagie.
“Ons wil die kinders bewusmaak van sekere waardes wat met die letter O gepaard gaan naamlik, opvoeding, opleiding en ontwikkeling,” het Nico Janse van Vuuren, takvoorsitter van Helpende Hand, Nigel gesê.
Die leesboeke is geskenk deur Bookdash met die tema ‘It’s my Book – Will read it’, van die Ngizoyfunda projek.
Bawelile Rose Mthembu ‘n verteenwoordiger van die Ngizoyfunda projek het genoem dat as vroeë kinderontwikkeling ondernemers is dit die onderwysers, ouers en skole se verantwoordelikheid om ‘n liefde vir boeke by die kinders wakker te maak.