Nigel kraai koning teen ERU

Nigel Rugbyklub het op 13 April teen East Rand United in die Valke Presidentsliga op John Vorster Stadium gespeel.

Nigel se eerste span het 48-14 koning gekraai.

Nigel het ses drieë gedruk en ses vervyfskoppe en twee strafskoppe deur die pale gejaag.

Nigel se punte was aangeteken deur drieë: Reggie Thabethe, Henry van Biljon, Griag Pienaar (2), Andile Shange (2); doelskoppe: Nico Colyn (6) en strafdoele: Nico Colyn (2). Frikkie Jansen en Griag Pienaar was die spelers van die wedstryd.

Nigel se tweede span het op ‘n drafstap met 45-0 gewen.

Nigel het 6 drieë gedruk en een strafdrie. Vier doelskoppe was suksesvol.

Nigel se tweede span se punte was aangeteken deur drieë: Zama Ndawo, Freedom Ngubeni, George Fritz, Jason Saul, Hendrik van Niewenhuizen, Steven Kok en ‘n strafdrie; en doelskoppe: George Fritz (2) en Handerik Deysel (2).

George Fritz was die speler van die wedstryd.

Nigel Rugbyklub se volgende wedstryd is op 20 April teen Vereeniging Rugbyklub in die semi-finale van die Presidentsliga.