Vier atlete van die Laer Volkskool het podium plekke behaal tydens die Gauteng Skole Atletiek Kampioenskap wat op 8 en 9 Maart by die Boksburg Stadium plaasgevind het.
Die atlete wat medaljes verwerf het was Sebastian Martin met ‘n eerste plek in o9 60m naellope in ‘n tyd van 8.47 sekondes; Christiaan Lewis wat ‘n tweede plek in die o11 1200m in 3:45.83 losgehardloop het; Kaspian Rooseboom wat ‘n tweede plek in o12 hoogspring behaal het met ‘n hoogte van 1.5m en Adriaan Coetzee wat derde was in die o13 1500m met 4:29.49.
Die ander Volkskool atlete wat aan die byeenkoms deelgeneem het was Stefan Swanepoel (o12 150m hekkies en 150m naellope); Hayley Prins (o10 verspring en 70m hekkies); Skyla Simon (o13 hoogspring); Milan Vorster (o13 hoogspring); Wian Gildenhuys (o12 gewigstoot en spiesgooi); Eduard Oosthuizen (o11 70m hekkies); Corlia Greyling (o12 75m hekkies en verspring); Leyna Strassburg (o13 75m hekkies); Leonette Vermeulen (o13 gewigstoot) en Kayleigh van Wyk (o13 diskus).
Christiaan Lewis, Kaspian Rooseboom en Adriaan Coetzee gaan aan die Suid-Afrikaanse Kampioenskap deelneem, wat vanaf 24 tot 26 Maart plaasvind.
