Gradering vir Ability Academy studente
Die hoogste gordel in die gradering het aan Henroux Roux behoort.
Sowat 14 studente van die Ability Academy het op 11 November Jiu-Jitsu gradering by die klub ondergaan.
Die hoogste gordel in die gradering het aan Henroux Roux behoort. Hy het opgeskuif van ‘n geel-swart na ‘n oranje-wit gordel toe.
Roux is al vanaf Graad Een by Ability Academy en al sewe jaar deel van die klub. Hy skuif ook vanaf aanstaande jaar na die senior klas oor.
William Roos het opgegradeer van ‘n geel gordel na ‘n geel-wit gordel.
Andrich Pretorius, Elias Roos, Liam Hall, Hendrè De Wet, Conrad van Rooyan, Armand van Rooyan en Ihsan Davids het almal van ‘n grys gordel na ‘n grys-swart gordel verbeter.
Luan Burger, Hunter Dyksterhuis, Jaden McClintock, Sven Oestlund en Noah Janse van Rensburg het almal aan hul eerste gradering deelgeneem waar hulle almal van ‘n wit gordel na grys-wit gordel opgegradeer het.
“Van ons lede is al jare by Ability Academy terwyl daar studente is wat hierdie jaar aangesluit het,” sê Ability Academy se afrigter Stefan Pretorius.
“Al die studente het uitstekend gevaar en ek kan die passie en dryf vir Jiu-Jitsu by elkeen van hulle sien.
“Dit was ‘n goeie jaar vir ons studente in die Jiu-Jitsu klas.
“Ons het aan talle kompetisies deelgeneem en vele oorwinnings het daaruit gekom.
“Ek sien baie groot dinge vir ons Jiu-Jitsu aanstaande jaar.
“Ons neem op 3 Desember aan ons laaste kompetisie in Johannesburg deel,” het Pretorius gesê.
Vir meer inligting om deel van die klub te word skakel Stefan Pretorius by 084 815 0410.
