Verskeie leerders van die Hoër Volkskool het die afgelope tyd op verskillende gebiede uitgeblink.
Simone Dietrechsen en Alisha Miller van der Walt het onlangs aan die Show your Talent kompetisie in Vanderbijlpark deelgeneem.
Simone het ‘n goue medalje verower vir sang en Alisha het een goud en drie silwer medaljes verower.
Alisha Miller van der Walt is ook uitgenooi om Suid-Afrika volgende jaar in die VSA te gaan verteenwoordig.
Op die krieketveld is Francois Smit vir die Sedibeng o14-krieketspan gekies.
In die swembad het Simone Moll tydens die Commonwealth Jeug Spele ‘n tweede plek en silwer medalje in die 50m borsslag verower.