Met goeie vertonings by die onlangse SAJKA Karate Kampioenskappe het vier karateka van Hoër Volkskool die oog gevang.
Elizabeth Rautenbach, Chriselda Viljoen, Ruben Venter en Phillip Damon, wat buitemuurs aan karate deelneem, is gekies om nasionale kleure te ontvang.
Rautenbach (14) het ‘n goue medalje ontvang vir kata en kumite in die Elite dogtersgroep.
Viljoen (14) het ‘n silwer medalje vir kumite en ‘n brons medalje vir kata in die Elite dogtersgroep ontvang.
Venter (15) het ‘n silwer medalje vir kata in die Elite sesunsgroep ontvang en Phillip Damon (16) het ‘n brons medalje in die Elite seunsgroep verwerf.
