Inwoners kan uitsien na ‘n heerlike dag op Jeugdag, 16 Junie, wanneer Die Lekker Local Mark by die Heritage Museum in Viljoenstraat gaan plaasvind.
Earth Owl, met Roché Pepler en Santana Pestana aan die stuur, wil die hele Heidelberg, Nigel, Balfour, Springs en omliggende areas betrokke kry sodat almal die dag saam kan geniet.
Een van die hoogtepunte van die dag is ‘n groot pret staproete van 3.5km.
Skole is ook reeds gekontak om deel te wees van die jeugdag vieringe
Daar is ‘n kleur tema vir die vieringe en besoekers word aangemoedig om rooi, geel, blou en groen te dra.
“Daar gaan ook ‘n hommeltuig wees wat al die gebeure vanuit die lug af gaan afneem,” het Pepler gesê
“Almal is welkom om die dag te kom geniet en ook by die plaaslike stalletjies aan te doen.”