Heigel Fotoklub het tydens die klub se April vergadering die maand se foto’s bespreek en ook die foto’s vir die maand aangewys.
Fotograwe van Heidelberg asook Nigel behoort aan die klub.
Die wenfoto getiteld By Sossusvlei is deur Carin du Preez geneem.
Die beste voorgeskrewe foto is deur Francois van Jaarsveld geneem met Cosmos en die junior foto wenner is Eugene Viljoen met Musical Dreams.
Die voorgeskrewe temas vir die jaar is soos volg:
•Mei: Op die tafel.
• Junie: Sterre fotografie
• Julie: Skilder met lig
• Augustus: Potretstudie van ‘n persoon (swart en wit)
• September: Voël/s in vlug
Oktober: Straattoneel met bome wat bot
November: Abstrak.
Van Jaarsveld het ‘n uitnodiging gerig aan enigiemand wat deel van die fotoklub wil wees om hom op 083 659 9657 te skakel.
Die uitnodiging is vir enigiemand wat meer oor fotografie wil leer, ongeag die tipe kamera waaroor die persoon beskik.
