Op 26 November het Suikerbosoord onder leiding van Marie van Niekerk-Benadie, Jan Kotze asook die oord se bestuur, die senior burgers met ‘n jaareindfunksie bederf.
Die tema van die jaar se funksie was dankbaarheid.
Van Niekerk-Benade het haar dankbaarheid met almal teenwoordig gedeel.
“Ek is dankbaar dat ons almal nog gespaar is om tyd saam met mekaar kan spandeer,” het sy gesê.
“Die jaar was al moeilik genoeg en om tyd saam te spandeer is ‘n bonus.”
Die geselligheid het ‘n driegang maaltyd asook iets te drinke ingesluit.
Kotze, wie die afgelope twee en ‘n half jaar die bestuurder van die oord is, het tydens die verrigtinge al die inwoners verseker dat hulle kosbaar is en nog steeds ‘n bate in die samelewing is.
Die kunstenaars Ryan Walt (panfluitspeler) en Stephen Stirling (sanger en akteur) het met hulle musiek vermaak.
