September is Wêreld Alzheimer’s maand
September is Wêreld Alzheimer’s maand. Om dit beter te verstaan en bewustheid te vergroot, deel ons graag oor die volgende vier weke meer inligting oor die toestand.
Wat is die verskil tussen Alzheimer’s en dementia?
Demensie is ‘n breë kategorie, terwyl Alzheimer’s se siekte ‘n spesifieke soort is, en die mees algemene oorsaak van demensie.
Die terme word soms uitruilbaar gebruik, maar daar is verskeie tipes en oorsake van demensie.
Ander tipes van demensie sluit in Huntington se siekte, frontotemporale degenerasie, Lewy-liggaamsdemensie, vaskulêre demensie , Creutzfeldt-Jakob-siekte en Parkinson se demensie.
Demensie tas nie net die geheue aan nie, maar ook spraak en taalgebruik, redenasievermoë, besluitneming en oordeel.
Wat is vaskulêre demensie?
Vaskulêre demensie kan voorkom deur ‘n vernouing of ‘n volledige blokkasie van bloedvate in die brein, wat breinselle van nutriënte en suurstof ontneem, wat hulle nodig het om behoorlik te funksioneer.
Vaskulêre demensie kom dikwels uit verskeie klein beroertes wat oor tyd voorkom. Dit kan ook voorkom na ‘n enkele groot beroerte , wat soms na post-beroerte demensie genoem word.
Nie alle beroertes lei tot demensie nie, maar tot een derde van diegene wat ‘n beroerte het, sal demensie binne ses maande ontwikkel.
Toestande soos hoë bloeddruk en diabetes wat nie bloedvate blokkeer nie, maar net smaller maak, kan ook lei tot vaskulêre demensie.
Volgende week kyk ons na oorsake en risiko faktore.
Inligting verskaf deur: Marlene Walkden, Maatskaplike werker by Suikerbosoord
