Laerskool AG Visser hou veiling

Laerskool AG Visser se veiling wat op 20 April gehou is, was ’n sukses.

Talle plaasdiere is op die dag by Heidelberg Afslaers opgeveil.

Leerders van die skool kon die dag saam met hul onderwysers en die publiek geniet. Saam met die opwinding van die veiling was daar ook vele kosstalletjies om die skare se honger in toom te hou.

Diegene wat wou kon ook aan ’n lootjietrek-kompetisie deelneem, waar hulle ’n kans gestaan het om vleispakke te wen.

Die wenners van die lootjietrek-kompetisie was Rob Henderson, Chris Gryffenberg en Cobie van Zyl.