Motorfietsryers bring groot vreugde aan bejaardes

Bejaardes was lekker bederf deur verskeie motorfietsklubs.

November 18, 2020

Miné Van Vuuren Less than a minute

Motorfietsryers van verskeie motorfietsklubs het geskenke aan die bejaardes uitgedeel.

Daar het Saterdagoggend ‘n vrolike atmosfeer by die Ebenhaeser Tehuis geheers toe die bejaarde inwoners heerlik bederf is deur lede van verskeie motorfietsklubs.

Twee-en-twintig bejaardes het elkeen ‘n geskenkpak ontvang en was omtrent in hul noppies oor die lekker bederf.

Motorfietsklubs soos Noble Ones MCC, Wise Dogs MC, Ghost Riders, Familia Riders, Wolverines, Just Numbers en Circle of Life het bygedra tot die dag en vorm deel van die First Ladies Social East Rand and Lady Presidents initiatief.