Liga lewer kookwater-rugby deur Volkskool-spelers op
Laer Volkskool se rugby eerstespan, tweedespan asook die o/9-span het hul semi-finale wedstryde in die Eligwa-liga op 30 Mei in Sasolburg gewen
Laer Volkskool se rugby eerstespan, tweedespan asook die o/9-span het hul semi-finale wedstryde in die Eligwa-liga op 30 Mei in Sasolburg gewen en daarmee deurgedring na die finaal wat op 5 Junie in Vanderbijlpark gespeel is.
Die eerste- en tweedespan het as ligawenners uit die stryd getree. Die eerstespan het Laerskool Emfulenipark met 36-26 geklop en die tweedespan het met ‘n telling van 33-5 met Laerskool Fonteine afgereken. Die o/9-span het teen Laerskool Emfulenipark verloor en daarmee in algeheel tweedeplek geëindig.
Mnre Lardus Badenhorst en Kobus Wandrag is afrigters van die eerstespan en Mnre Tiaan Viljoen, Morné Strydom en Dr Willem Sprong is afrigters van die tweedespan. Die o/9-span word afgerig deur Mnre Tewis van der Westhuizen en Stiaan van der Hyde.
| Volg ons op: | ||
 |
 |
 |
 |
