Nigel rugby-spanne verpletter Kempton Park se spanne met reuse-tellings
Nigel se eerstes en tweedes het Kempton Park Rugbyklub se rugbyspanne tydens die wedstryde wat in Meyerton plaasgevind het, verniel.
Nigel se eerstes het dit duidelik gemaak dat Kempton se manne hul sokkies sal moet optrek om met die onoorwonne span by te hou. Kempton se span het stert tussen die bene huis toe gekeer nadat Nigel eerstes die wedstryd met ‘n eindtelling van 78-25 gewen het.
Puntemakers was John Holmner (twee drieë), Mohammed Lottering (een drie), Frikkie Jansen (een drie), Pierre van der Walt (een drie), Reon Bezuidenhout (twee drieë), Khomotso Mokwele (een drie), Jarico van Niekerk (twee drieë), Olivethu Vuyo (een drie) en Johan Engelbrecht (een drie). Reon Bezuidenhout het agt drieë verdoel en Jason Koen een. Erik Ruthven is as man van die wedstryd aangewys.
Kempton Park se tweedes het ook die veld moedeloos verlaat nadat Nigel se manne die wedstryd met ‘n eindtelling van 52-8 gewen het. Puntemakers was Wesley Heunis (twee drieë), Adriaan Cilliers (een drie), Ockert Grobler (een drie), Wimpie Raman (twee drieë), Julian Myburgh (een drie) en Morne Viljoen (een drie). Ockert Grobler het ses drieë verdoel. Julian Myburgh is as man van die wedstryd aangewys.
Nigel Rugbyklub se rugbyspanne speel weer op 8 Junie teen Sasolburg Rugbyklub te John Vorster Stadion. Die o/21-span skop om 13:15 af, die tweedes begin om 14:40 speel en die eerstes skop om 16:00 af. Anita Celliers kan vir navrae by 082 409 3603 geskakel word.
| Volg ons op: | ||
 |
 |
 |
 |
