Nigel Rugbyklub se eerstes stoomroller voort

Nigel Rugbyklub se eerstespan het weer met hul talent gespog op 11 Mei tydens ‘n wedstryd teen Benoni Rugbyklub toe hulle met ‘n eindtelling van 26-12 gewen het.

May 16, 2019

Heidelberg Nigel Heraut 1 minute read

Pierre Labuschagne hardloop met die bal pale toe. Nigel se eerstespan het die wedstryd met 26-12 gewen.

Tydens die wedstryd by John Vorster Stadion was daar spanning tussen die spelers, maar Nigel se eerstes het hul kant skoon gehou en ‘n speler van Benoni se eerstespan het ‘n rooi kaart ontvang. Puntemakers was Schalk O`Callaghan (twee drieë), Henk Marais (een drie), Johan Kruger (een drie) en Reon Bezuidenhout het drie drieë verdoel. Schalk O` Callaghan is as man van die westryd aangewys.

Die naelbyt wedstryd tussen Nigel se tweedespan en Benoni se tweedespan was spannend. Nigel het die wedstryd met ‘n eindtelling van 29-22 gewen. Puntemakers was AJ Delport (een drie), Jason Koen (twee drieë), Jacques de Beer (een drie), Morne Viljoen (een drie) en Ockie Grobler het twee drieë verdoel. Ferdie Snyman is as man van die wedstryd aangewys.

Nigel se o/21-span het die wedstryd teen Benoni met 66-10 verloor. Puntemakers was Owen Combrink (een drie) en Gerhard Bezuidenhout het een drie en ‘n strafskop oorgesit. Junate Dinjana is as man van die wedstryd aangewys.

Nigel Rugbyklub se volgende wedstryde sal op 18 Mei teen Vaal Universiteit van Tegnologie (VUT) by John Vorster Stadion gespeel word. Anita Celliers kan by 082 409 3603 vir meer inligting geskakel word.