News

Spanwerk lei tot oorwinning

Nigel Rugbyklub se eerstespan het op 27 April by die John Vorster stadion die vuurdoop teen Kempton Park deurstaan tydens ‘n liga wedstryd en met ‘n eindtelling van 35-15 die stryd gewen.

April 30, 2019

Heidelberg Nigel Heraut 1 minute read

Lean Els van Nigel se tweedespan lê rieme neer na die pale toe. Nigel se eerste- en tweedespan is huidiglik besig met hul Merlin Rugbyliga.

Nigel se spanwerk was goed. Puntemakers was: Frikkie Jansen (twee drieë), Thunis Fourie, Henk Marais en Mohammed Lottering. Pierré Labuschagne het een strafskop verdoel en Ettiene Booysen het ‘n drie en twee strafskoppe verdoel. Frikke Jansen is as speler van die wedstryd aangewys.

Kempton Park se tweedespan het die voorwedstryd teen Nigel gespeel. Die spanning deur die wedstryd was hoog en Nigel tweedespan het die eerste helfte gesukkel met hanteerfoute, maar het met ‘n eindtelling van 42-7 die kragmeting gewen. Puntemakers was: Morné Viljoen (twee drieë), Thokozani Nkosi (twee drieë), Wimpie Raman, Lean Els en Ockie Grobler het al ses drieë verdoel. AJ Delport is as speler van die wedstryd aangewys.

Nigel Rugbyklub se volgende wedstryde word op 4 Mei in Kempton Park teen Sasolburg gespeel. Die tweedepan sal om 14:00 en die eerstespan om 16:00 speel.