Atlete gereed vir SA skole atletiek kragmeting

Hoër Volkskool spog met nie minder nie as vyf atlete wat van 21 tot 23 Maart in Port Elizabeth aan die Suid-Afrikaanse Skole Atletiekkampioenskappe gaan deelneem.

March 22, 2019

Heidelberg Nigel Heraut Less than a minute

Atlete gereed vir SA skole atletiek kragmeting — Room van die oes. Hoër Volkskool is trots op hul vyf atlete wat van môre (21 Maart)af sake teen die land se beste skole-atlete gaan uitspook tydens die SA Skole Atletiekkampioenskappe wat in Port Elizabeth plaasvind. Hulle is (voor) Favour Umeh en Janca Fouché, (middel) JC van Tonder en Robinn Thorburn en Karel Olwage (agter).

Dit volg nadat die atlete puik vertonings tydens die Gauteng atletiekkampioenskappe op 8 en 9 Maart in Pretoria by Pilditch Stadion gelewer het.

Volkskool se atlete het die volgende prestasies tydens die Gauteng kampioenskappe bereik: Tweedeplek vir Janca Fouché (meisies o/17 100m); eersteplek vir Robinn Thorburn (o/17 meisies 400m), Favour Umeh verdien eersteplek in meisies o/17 hoogspring, eersteplek en nuwe Gauteng-rekord vir Karel Olwage in seuns o/17 hoogspring en JC van Tonder spog met vierdeplek (o/15 seuns 300m hekkies).

Lees ook Volkskool atletiekprestasies

Die leerders oefen nou kliphard vir die SA-kampioenskappe waar hulle teen die land se bestes gaan meeding.