Die 78-jarige was buite besig om in die tuin te werk toe een van die verdagtes hom van agter om die lyf vasgryp. Hy is aan sy arms by die huis ingesleep, waar sy hande en voete met gordels vasgebind is.
Hy is later in ‘n slaapkamer toegesluit waar hy gehoor het hoe hulle deur die huis beweeg.
Etlike minute later het hy gehoor hoe hulle sy Ford Bantam bakkie wat binne die motorhuis geparkeer was, aansluit en daarmee wegjaag.
Nadat die bejaarde homself kon loswikkel, het hy deur ‘n venster geklim en ‘n familievriend om hulp geskakel.
Die verdagtes het ook met ‘n televisie en horlosie gevlug.
Heidelberg Polisie ondersoek ‘n saak van huisroof.
Volg ons ook op:
Related Articles
