Dit het gevolg nadat ‘n verkeersbeampte ‘n verdagte voertuig by die R23 en Louwstraat Overkruin-kruising probeer stop het.
‘n Lid van die publiek het gesien hoe een verdagte ‘n vuurwapen deur die kar se venster in du Preezstraat gooi en sy het dit aan ‘n lid van ‘n plaaslike sekuriteitsmaatskappy uitgewys. Hy het op die vuurwapen beslag gelê en dit aan Heidelberg Polisie oorhandig.
Heidelberg GPF het die polisie op die toneel bygestaan. Mev Stella Louw (beheerkameroperateur van die GPF) het aan HERAUT gesê:
“Dit is hartseer om te dink wat kon gebeur het as die verdagte voertuig en vuurwapen nie gevind was nie. Deur die publiek se vinnige reaksie kon die voertuig en vuurwapen opgespoor word.”
Kaptein Madeleine von Wielligh (waarnemende polisiewoordvoerder) het aan HERAUT bevestig dat die voertuig asook die vuurwapen gesteel is. Al vier verdagtes het weggekom. Sy nooi lede van die publiek met inligting om Kaptein Senzo Shabano by 016 341-0361 te skakel.
Volg ons op:
