Suikerbos Voortrekkers het gehelp om renosterkalfies met propvol spaarbussies en hope pret te red.

Vroeër vanjaar het Suikerbos Voortrekker Kommando kleurvolle renosterspaarbussies aan hul lede uitgedeel.

Lede van die Dolfyn span Miké Cerva, Miké Erasmus, Annekha Pelser, Daleen Lemmer en Anja van Rensburg wys hul pienk renosterspaarbussies wat propvol geld is vir die Renoster-red-is-vetpret-projek. Suikerbos Voortrekker Kommando het ‘n fondsinsameling gehou vir die‘Care for wild’ organisasie wat help met die versorging van wees renosterkalfies.

Die spaarbussies is op 17 September tydens ‘n spanbyeenkoms versamel en die geld is getel.

Suikerbos Kommando kan nou sowat R8 000 aan die Renoster-red-is-vetpret-projek oorbetaal wat die ‘Care for wild’ organisasie ondersteun.
Die organisasie rehabiliteer renosterkalfies wat wees gelaat is deur renosterstropers.

Die kalfies word versorg en gevoer totdat hulle genoegsaam aangesterk het om weer in ‘n veilige omgewing vrygelaat te word.

Die Miere-span (Graad 6 meisies) het die meeste geld ingesamel.

Volg ons op: