Die uitslae is as volg: SJR o/6 Mustangs wen Kempton Park 2-1. Hulle klop ook Springs met ‘n telling van 5-4 en verloor teen Brakpan met ‘n telling van 7-0.
SJR se o/7 Thunders wen Kempton Park met ‘n telling van 4-1 en wen ook Elsburg met ‘n telling van 6-1.
Hoewel SJR se o/8 Broncos nie hul wedstryd teen Benoni 1 kon wen nie, het hulle beter gevaar teen Benoni 3 en hulle met ‘n telling van 15-0 geklop.
Die SJR o/9 Raptors het ook die knie teen Brakpan gebuig en die wedstryd met ‘n telling van 32-5 verloor.
Brakpan het die spel in die o/10 en o/11 ouderdomsgroepe gedomineer en SJR se o/10 Arrows met ‘n telling van 29-10 en die o/11 Rockets met ‘n telling van 80-0 huiswaarts gestuur.
SJR se o/12 Bulldogs het ook klei getrap in hul wedstryd teen Vereeniging en het met ‘n telling van 80-0 verloor.
Brakpan kon egter geen punte teen SJR se o/13 Bullets aanteken nie en die tuisspan het die wedstryd met ‘n telling van 49-0 gewen.
SJR se o/14 Titals het in ‘n naelbyt wedstryd met twee punte verloor. Die eindtelling was 27-25 in Dragons se guns.
SJR het tans 175 geregistreerde junior spelers en belangstellendes wat wil inskryf kan Phillip van der Linde by 082 313 1229 skakel.
Volg ons op:
