Dit gaan goed met Antoinette Hoffmayer, haar dogter Carina en skoonseun Francois wat in Rensburg by die Engen Motorhawe geslaap het omdat hulle geen ander heenkome gehad het nie.
Gesin slaap op straat – benodig dringend hulp
Weldoeners het warm kos, klere en beddegoed aangedra en op 21 April is Carina en Francois na Springs waar hulle werk en ‘n woonplek gekry het.
Antoinette het ‘n paar dae daarna ‘n oproep uit Musina ontvang van iemand wat haar werk aangebied het. Haar buskaartjie is ook deur die weldoeners betaal en sy het op 25 April na haar nuwe tuiste vertrek.
Hoewel Antoinette baie graag in Heidelberg wou aanbly, is sy dankbaar oor die geleentheid en vertrou sy God dat Hy die regte mense oor haar pad gestuur het. Sy het inwoners vir hul liefde en goedhartigheid bedank.
