Nou ontkoming toe plaaslike vlieënier noodlanding uitvoer

Volledige besonderhede van die voorval is nog nie bekend nie, maar volgens Kapt Thivhulawi Tshilate (polisiewoordvoerder) het die vlieënier wie se identiteit nie bekend is nie, meganiese probleme ondervind terwyl hy op 19 Februarie omstreeks 08:00 besig was om landerye met gifstof te bespuit.

Paramedici en lede van Lesedi en Ekurhuleni metropolisie is na die toneel ontbied, maar by hul aankoms het die vlieënier ongedeerd buite die vliegtuig geloop. Nadat hy van die aanvanklike skok herstel het, is daar bevestig dat hy ongedeerd is. Verkeer is ook minimaal ontwrig.

Die omstandighede van die voorval word ondersoek.