Die polisie is op soek na ‘n Afrikaanse man van tussen 35 en 40 jaar wat ‘n 15-jarige seun seksueel gemolesteer het.
Die voorval het vroeër vanjaar in Rensburg plaasgevind toe die man die seun gevra het om hom te help om bokse te laai. Die seun moes saam met die man deur die veld stap, waar die verdagte hom gemolesteer het.
Die man is lank en het ‘n ligte baard. Ten tye van die voorval het hy ‘n blou denim broek, lemmetjiegroen T-hemp en ‘n pet gedra.
Enigiemand wat die polisie met inligting kan help, kan Adjudant Offisier ND Sibuye by 076 834 2546 of 011 739 0800 skakel.
