13 Verdagtes van vragmotorkaping, vry

12 Mans en ‘n vrou is op ‘n Spaarwater-kleinhoewe betrap waar hulle die gesteelde vrag van ‘n vragmotor in ‘n ander voertuig oorgelaai het.
Volgens Heidelberg se staatsaanklaer mag sy nie aan die media bekendmaak waarom die saak nie op die hofrol geplaas is nie.
Heidelberg staan as die gevaarpunt (hot spot) van veral vragmotorkapings bekend en die polisie is moedeloos omdat al 13 verdagtes saam met die ware kapers vrygelaat is.
Intussen is nog twee vragmotors gedurende die nag van 2 Februarie op die N3 naby Heidelberg gekaap. ‘n Vierde vragmotor is om 19:00 op die N3 tussen Villiers en Warden gekaap. In nog ‘n voorval is ‘n Toyota Hilux bakkie op 3 Februarie op die R23 verby die Spaarwater-kleinhoewes gekaap.