Graad sewes lui klok ‘n laaste keer

Skoolhoof, Selma Marx, het die graad sewes toegespeek met die woorde “mooiloop”.

“Jou wortels het begin by die skool,” het Marx aan die leerders gesê.

“Waardes, norme en goeie maniere is hier geleer. Jy moet verseker iewers begin om mooi te loop,” het sy bygevoeg.

Dit is die hoeksteen wat die graad sewes moet aan werk vir hul eie toekoms.

“Mooiloop beteken ook waarheen jy loop,” het Marx gesê.

“Jy as individu is op die drumpel van ‘n nuwe toekoms. Die toekoms is in jou hande. Fokus op die wenstreep. Daardeur sal jy verseker suksesvol wees.

“Hiermee sê ons totsiens graad sewes,” het Marx ter afsluiting gesê.

“Julle is ons hoeksteen na die toekoms toe, en ‘n voorbeeld vir toekomstige leerders van AG Visser Laerskool.”