Die voorval het volgens Polisiewoordvoerder Kaptein Kay Makhubele tussen 01:00 en 02:00 op 3 Oktober plaasgevind nadat vyf aanvallers geforseerde toegang tot die huis verkry het.
Die slagoffer is tydens die aanval in die bors gewond en het op die toneel gesterf, waarna die verdagtes met die slagoffer se motor, huishoudelike items en ‘n kluis gevlug het. Twee wegkommotors is ook tydens die aanval gebruik.
“‘n Veiligheidswag het onraad vermoed toe sy ‘n aantal voertuie op die plaasperseel sien rondbeweeg. Sy het later ‘n SAPD patrollievoertuig op die Balfourpad afgetrek en by nadere ondersoek het die Polisie een verdagte op die plaas vasgetrek. Hulle het die slagoffer se liggaam binne die huis gevind,” het Kapt Makhubele gesê.
‘n Tweede verdagte is later in Ratanda aangekeer waar die Polisie op ‘n vuurwapen en die twee wegkommotors beslag gelê het. Van die gesteelde items is ook in die voertuie gevind.
Sake van moord, huisroof, onwettige besit van ‘n vuurwapen asook besit van gesteelde goedere word ondersoek.
Die verdagtes sal na verwagting in Heidelberg Landdroshof verskyn.
Lees meer in die volgende uitgawe van HERAUT.
| Volg ons op: | ||
 |
 |
|
