Local newsNews
Vet pret by Nigel SAVF se Wit Winter Wandel
NIGEL - Nagenoeg 90 deelnemers het hul hardloopskoene afgestof en die koue trotseer ter ondersteuning van Nigel SAVF se Wit Winter Wandel op 16 Junie.
Die skoot het geklap en nagenoeg 90 deelnemers het op Jeugdag aan Nigel SAVF se 4km pretloop by John Vorster Stadion deelgeneem. Elke deelnemer wat die pretloop voltooi het, het ‘n medalje ontvang.
Nigel SAVF se gelukbringer Sonic en Villie het vir groot vermaak onder die kleinspan gesorg.
Zak de Beer was in sy noppies toe hy ‘n kontantprys van R1000 in Nigel SAVF se gelukstrekking gewen het. Hier oorhandig Saffie en Sonic sy prysgeld.
