Heidelberg se gemeeskapslede wat elke week ‘n deel van Heidelberg skoonmaak het hulle die week by die park in Roets Straat by die laagwaterbrug langs die Katjievrekspruit bevind.
Boumateriaal, klere, ‘n seil, motor buitebande en bottels is opgeraap. Daar was ook plekke waar vuur gemaak was om rommel te brand, wat bygedra het tot die seeroog.
Die toerusting in die speelpark is ook heeltemal onbruikbaar.
Charlotte Cloete van Skoon Heidelberg het die munisipaliteit genader om te vra of die gras gesny kan word.
‘n Woordvoerder van LPM het aangedui dat Rensburg reeds ‘n beurt gehad en ‘n volgende beurt sal moet afwag.
Hannes Strydom het ‘n oproep aan privaatbesighede gedoen.
“Indien besighede ons finansieël kan bystaan om ‘n trekker te kan huur om gras te sny sal dit werklik baie help,” het hy gesê.
“Om die rommel probleem in ons dorp op te los is dit belangrik dat die kultuur verander moet word en nie rommel oral gegooi word nie.
“Dit is immers ons almal se verantwoordelikheid om ons eie rommel weg te gooi in vuilgoed dromme of plekke wat daarvoor aangelê is,” het Strydom bygevoeg.
