Nigeldam steeds gesluit
Daar is nog geen resultate vir die Nigeldam beskikbaar gestel nie.
Die Nigeldam is steeds ’n onderwerp van groot kommer in die dorp.
Dit na daar talle dooie visse in die dam opgelet is oor die naweek van 12 Maart.
Die Stad van Ekurhuleni het na die ontdekking die dam gesluit vir die publiek, waarna ’n poging om die dooie vis uit die dam te verwyder deur die gemeenskap aangewend is.
Die skoonmaak van die dam het oor die naweek van 19 Maart plaasgevind.
“Ons het tussen 350 en 400 visse uit die dam verwyder,” het DA raadslid Wollaston Labuschagne gesê.
“Daar was teen die Sondag nog dooie vis in die dam, maar dit het nou al so ontbind dat dit al amper onmoontlik is om te hanteer.”
Labuschagne meen dat hulle nog op die resultate van die watermonsters wat geneem is wag.
HERAUT het teen druktyd (28 Maart) nogsteeds geen terugvoering van die Stad van Ekurhuleni ontvang nie.
