Lizelle Koch het hierdie pragtige sonsondergang tydens ’n besoek aan die Tankwa Karoo afgeneem. Die Bosveld-fotografieklub het haar met ’n merietesertifikaat beloon en as maandwenner in die landskapafdeling aangewys.
Michelle Rootman het hierdie pragtige foto tydens ’n besoek aan die Zeitz Museum of Contemporary Art Africa (MOCCA) in Kaapstad geneem. Hierdie spiraaltrappe het haar ’n merietetoekenning besorg by die Warmbad-fotografieklub se laaste vergadering. Vir navrae bel vir Gerda du Bruto by tel. 082 563 4725.Alma Hoon se foto, Bergspits met sneeu, was die wenner van ’n merietesertifikaat tydens die Warmbad-fotografieklub se laaste byeenkoms. Die foto is gedurende die somer geneem en wys die hoogte van die bergspits. Vir navrae in verband met die klub kan mense vir Gerda du Bruto bel by tel. 082 563 4725.Dorette Nel van die Bosveld-fotografieklub in Modimolle se foto van ’n swartoogtiptol wat ’n bykans volgroeide kuiken voer, is as maandwenner in die voëllewekategorie aangewys. Sy ontvang ook ’n merietesertifikaat.