Waterberg-inwoners stof weer hul kultuurtalente af vir kunstefees
Inwoners van die Waterberg moet opskud as hulle vanjaar wil deel hê aan die Waterberg-kunstefees.
Die fees vind van Maandag 15 Augustus tot Vrydag 26 Augustus in die kerkgebou en kerksaal van NG Warmbad-Wes-gemeente in Gilfillanstraat, Bela-Bela, plaas.
Die drama-afdeling sal van Dinsdag 16 Augustus tot Vrydag 19 Augustus deur onafhanklike beoordelaars beoordeel word. Vir enige navrae bel gerus vir Amanda van Vuuren (organiseerder en voorsitter) by tel. 082 569 4874.
Die afdeling vir klassieke musiek word deur Marie Harmse (078 521 6988) en Estelle du Plessis (082 326 9317) gereël. Die datums vir deelname aan dié afdeling is van Maandag 22 Augustus tot Dinsdag 23 Augustus.
Deelnemers van alle ouderdomsgroepe word genooi om deel te hê aan vanjaar se program.
Vir algemene navrae bel gerus vir Theresa Jonker by tel. 061 477 7268 of stuur ’n e-pos aan: Wilhelmjonker984@gmail.com(.)
