Die basaar vind op Saterdag 29 Junie op die Forever Resorts-feesterrein plaas (oorkant die provinsiale hospitaal). Die hekke open om 8:00 en die feestelikheid sal tot 14:00 duur. Dit sal ’n geleentheid wees waar vriende en familie heerlik kan ontspan terwyl hulle onder meer aan watertand eetgoed smul. Van die eetgoed sluit onder meer in: pannekoek, koeksisters, nagereg, gebak, sosaties, hamburgers, biltong en droëwors, asook kerrie-en-rys.
En soos dit ’n regte plattelandse basaar betaam, sal daar ook ’n vleistafel met vars vleis en wors wees, asook heeerlike plaasgroente.
Buiten die heerlike kosstalletjies kan boekwurms en -versamelaars ook uitsien na ’n boeketafel.
Daar is ook heerlike kindervermaak en ’n motoruitstalling.