Local sport
Skuts mik vir kolskote
Die Bosveld-jagtersvereniging (BJV) se Waterberg-tak het op Saterdag 22 Julie ’n haelgeweer-skietkompetisie by die Waterberg-skietbaan op die Alma-pad buite Bela-Bela gehou.
Die skuts het hul vaardighede op die proef gestel en die wat die meeste kleie getref het, is as wenners aangewys.
Die skuts se finale puntelling bring hulle in aanmerking vir die gesogte Gerrie van der Westhuizen-wisseltrofee wat later vanjaar aan die topskut tydens die BJV se afsluitingsgeselligheid oorhandig sal word.
