Local sport
Ruiters skop stof op
Die Sanadors-ruiterklub in Bela-Bela het die afgelope naweek ’n opwindende uitdaagreeks vir ruiters en toeskouers aangebied.
![](https://images.caxton.co.za/wp-content/uploads/sites/134/2023/03/perd-1-780x470.jpg)
![](https://images.caxton.co.za/wp-content/uploads/sites/134/2023/03/perd-2-800x639.jpg)
Die geleentheid was die jaarlikse Limpopo kwalifiserende ronde van die South African Western Mountain Games Association (Sawmga) en South African National Equestrian Schools Association (Sanesa).
Ongeveer 165 ruiters van Limpopo, Gauteng, die Vrystaat en Noordwes het deelgeneem vir ’n plek in die volgende ronde wat einde April in Tzaneen plaasvind.
Talle rekords is die naweek verbeter en verskeie ruiters sal voortaan in hoër vlakke kan deelneem.
Die organiseerders was baie tevrede met die opkoms en dankbaar teenoor die borge wat die dag moontlik gemaak het.