Die hokkiemeisies van Hoërskool Warmbad se eerstespan het Allen Glen High School met 13-0 getroef.
Dit was ’n goeie geleentheid vir albei skole om hul rugby- netbal- en hokkievaardighede op te skerp voordat die ligawedstryde begin.
Die Warries se rugbyspanne het vasgeval teen die spanne van Johannesburg, maar die Warrie-meisies het hulle goed van hul taak gekwyt.
Die Warries se o.15-netbalspan word reeds as ’n span van formaat gereken nadat hulle Allen Glen High School met 19-1 geklop het. Dié span het op Dinsdag 14 Maart verder presteer tydens ’n Mini World Cup-toernooi in Thabazimbi teen ander topskole. Die o.15 Warries het algeheel tweede in die toernooi geëindig.Hoërskool Warmbad is baie trots op hul o.14-netbalspan wat die Allen Glen-span met 11-0 gewen het tydens ’n vriendskaplike byeenkoms op die Warries se tuisveld.Hoërskool Warmbad en Allen Glen High School se eerste netbalspanne het verlede week gesorg vir naelbytoomblikke. Die Warries-spelers het daarin slaag om Allen Glen met 17-14 te wen.
