Hoërskool Nylstroom se gr. 8’s het op Vrydag 13 Januarie kragte gemeet tydens die nuwelinge se atletiekdag. Kayla Botes, Lee-Anne Pretorius, Nyeleti Mukansi, Salome Mokeena, Pabalelo Ntsoane en Naledi Khoza hardloop dat die gras spat. Die Bosveld-interhoër vind op Saterdag 25 Februarie in Groblersdal plaas en die groentjies droom daarvan om dié atletiekspan te haal.
Frans van der Westhuizen, ’n gr. 8-leerder aan Hoërskool Nylstroom, gee sy beste tydens sy beurt in verspring.Die Nylies se onderhoofseun, Gavin Smith, maak vir Nathan Coetzee (gr. 8) touwys in die gewigstootsirkel tydens die gr. 8’s se atletiekdag wat op Vrydag 13 Januarie plaasgevind het.
