Local sport
Naboom-jukskeispelers goed op dreef
Die Leeupoort vakansiedorp buite Thabazimbi was op Saterdag 15 Oktober die gasheer van ’n jukskei-klubkompetisie tydens die oord se 20ste bestaansjaarvieringe.
Die 16 spanne wat skeie gegooi het, was van Negester, Bela Bos, Leeupoort, Kleinbegin en die Naboom-jukskeiklubs. Naboom se spelers het weggestap met die drie topplekke.
Die klub neem op Saterdag 22 Oktober aan die ligabyeenkoms by Soutpan (Louis Trichardt) deel en op Saterdag 5 November is dit die Gauteng-klubkampioenskappe.
Die spelers sal op Saterdag 19 November aan die derde liga van die Naboomklub deelneem en op Saterdag 3 Desember word ’n rondomtalie-jukskeidag by die Naboomklub beplan.
