Local sportSport
Taildraggers lugskou doen dit weer
Die Valke-vliegklub van Bela-Bela het, in samewerking met die Experimental Aircraft Association (EAA), die afgelope naweek die jaarlikse Taildraggers Flyinn-vliegtuigsaamtrek by die munisipale vliegveld in Bela-Bela gehou.
![](https://images.caxton.co.za/wp-content/uploads/sites/134/2022/07/12c-780x470.jpg)
![](https://images.caxton.co.za/wp-content/uploads/sites/134/2022/07/12d-800x538.jpg)
Hoewel die aantal vliegtuie minder as by die vorige byeenkoms twee jaar gelede in Modimolle was, het altesame 108 vlieëniers geland en opgestyg.
Die organiseerders sê hul verwagtinge is oortref en het die sukses toegeskryf aan die gemeenskap wat deel was van die saamtrek.
Plaaslike gastehuise het verblyf verskaf en restaurante het ’n oplewing beleef met die aantal besoekers wat in die dorp was om die lugskou by te woon.
Die oudste vliegtuie by die saamtrek was twee Harvard-vliegtuie (gebou in 1942) wat op Sondag 3 Julie in die lugruim bokant Bela-Bela te sien was.
![](https://images.caxton.co.za/wp-content/uploads/sites/134/2022/07/lugskou3-800x460.jpg)