Thabazimbi-atlete verras by kringbyeenkoms
Die atlete van Laerskool Thabazimbi het op Vrydag 11Februarie gesorg vir groot opwinding tydens vanjaar se kringatletiekbyeenkoms wat by die skool aangebied is.
![](https://images.caxton.co.za/wp-content/uploads/sites/134/2022/02/THABA-atlete-2c-780x470.jpg)
Daar het 11 skole vanuit die omgewing aan die byeenkoms deelgeneem.
Hulle is Laerskool Thabazimbi, Advanced College, Deo Gloria Primary School, Heuningvlei Primary School, I-Stores Primary School, Kambako School, Keserona Primary School, Reënpan Primary School, Sekgweng Primary School, Thabazimbi Christian School en Ysterberg Primary School.
Die Thabazimbi-atlete het 69 eersteplekke behaal. Daar is ook drie nuwe byeenkomsrekords aangeteken.
Mojalefa Mogale het die rekord in die 80 m-hekkies vir seuns o.13 verbeter. Hy het ook die seuns o.13-verspringrekord verbeter.
Je-deon Swanepoel (13) het ’n nuwe rekord in gewigstoot opgestel.
Die topatlete meet op Vrydag 18 Februarie tydens die areabyeenkoms kragte teen die topatlete van die Dwaalboom-kring.