Thabazimbi-skole hou interhuis
Thabazimbi was op Vrydag 21 Januarie ’n miernes van bedrywigheid toe die nuwe sportseisoen op ’n hoë noot afgeskop het tydens die jaarlikse interhuisatletiekbyeenkomste van drie skole in die omgewing.
![](https://images.caxton.co.za/wp-content/uploads/sites/134/2022/01/THABA-10-2-780x470.jpg)
![](https://images.caxton.co.za/wp-content/uploads/sites/134/2022/01/THABA-1-9-800x570.jpg)
Die leerders van Hoërskool Frikkie Meyer, Laerskool Koedoeskop en Laerskool Thabazimbi het die snikhete Bosveld-son aangedurf om op hul onderskeie sportvelde deel te neem aan verskeie items en ook so ’n bietjie spangees aan te moedig.
Frikkie Meyer het op Dinsdag 18 Januarie ook hul jaarlikse interhuisswembyeenkoms aangebied en volgens die skool was vanjaar se gala ’n groot sukses.
Tristan Brits is aangewys as die senior Victor Ludorum. Anmari Greeff het as senior Victrix Ludorum uit die stryd getree en Lourens Pieterse het die junior Victor Ludorum-titel verower.
![](https://images.caxton.co.za/wp-content/uploads/sites/134/2022/01/THABA-9-2-800x533.jpg)
![](https://images.caxton.co.za/wp-content/uploads/sites/134/2022/01/THABA-3-9-800x556.jpg)
Atlete wat besonder goed gevaar het tydens die huissport op Vrydag 21 Januarie is Amo Mataboge (beste junior seunsbaanatleet), Lourens Pieterse (beste junior seunsveldatleet), Amor Strydom (beste junior meisies- baanatleet), Carli Fouché (beste junior meisiesveldatleet), Christopher Koekemoer (beste senior seunsbaanatleet), Echard de Klerk (beste senior seunsveldatleet) en Lené Lategan (beste senior meisiesbaan- en veldatleet).
![](https://images.caxton.co.za/wp-content/uploads/sites/134/2022/01/THABA-4-7-800x646.jpg)
Lourens Pieterse het die algeheel beste prestasie van die dag behaal met 977 punte op die Absa-tabel vir diskus.
Carli Robbertse is aangewys as die Victrix Ludorum en Christopher Koekemoer as die Victor Ludorum. By Laerskool Thabazimbi het twee atlete nuwe rekords opgestel.
Patrick Loots het die 150 m hekkies-item vir seuns o.12 se rekord laat spat en Kaylee Collins het met ’n afstand van 9,54 m die gewigstootrekord verbeter.
Mojalefa Mogale (13) was die Victor Ludorum wat uitgeblink het in hoogspring en verskeie baanitems. Leyande Koekemoer is aangewys as Victrix Ludorum.
![](https://images.caxton.co.za/wp-content/uploads/sites/134/2022/01/THABA-2-9-800x533.jpg)
![](https://images.caxton.co.za/wp-content/uploads/sites/134/2022/01/THABA-7-2-800x578.jpg)